Transcription
1
Monsieur, lon nous menasse de tant de costés
2
que je ny puys dire aultre sinon que nous
3
sommes en la mercy de Dieu. Fleury et le
4
sieur Cesar sont de retour. Ilz ne menassent que
5
de deux ou troys mil hommes et force cavalerie
6
qui viendra ruyner ceste povre valée et sessayer
7
à ceste ville. Le capitaine La Perrière men ha
8
doné de mesmes comme pourés voyr par sa
9
letre. Sil en est quelque chose, je veulx masseurer
10
que chacung fera son devoyr, excepté que si
11
lon ne se jette dans le Graysivodan, que
12
pour pilier et que ce soyt avec justes forces,
13
je ne voy rien icy pour y obvier et en ce cas
14
le ceur segnera aux genz de bien de voyr ung
15
si bon et si fidèle peuple en proye ou en
16
chemin destre degouté de lintegrité où il
17
sest tousiours contenu et quelques ungs de se
18
revolter ; et si, que Dieu veuhe, il nen
19
advient rien, je diray tousiours que plusieurs
20
nous menassent du mal, mays nul ne soffre
21
pour nous y ayder, encores que nostre succès les
22
touche de près. Je ne fays doubte que estant
23
mieulx que nul autre adverti, ferés remuer les forces
24
du roy selon la necessité. Je voys surce prier le Createur,
25
monsieur, vous doner en santé heureuse et longue vie. De Grenoble, ce
26
XIIII de fevrier 1574. Votre très humble et obeissant
27
serviteur g. deportes.